თბილისი (GBC) - ბიზნესმენი თამაზ სომხიშვილი „გლობალ სელის“ მეწილე ხდება.

ერთ-ერთ ყველაზე მდიდარ ბიზნესმენად მიჩნეული თამაზ სომხიშვილის კომპანია მსოფლიო ქსელში ჩართული საერთაშორისო სიმ-ბარათებს რეალიზატორის 10%-იანი წილს ყიდულობს.

„გლობალ სელსა“ და კომპანია „განათლების, მეცნიერების და ტექნოლოგიების განვითარების თს ფონდი ხვალინდელი წარმატებისათვის“ გარიგების საკითხს კომუნიკაციების კომისია 19 აპრილს განიხილავს.

"გლობალ სელი“ "ინოვაციებისა და ტექნოლოგიების სააგენტოს" ხელმძღვანელს გიორგი ზვიადაძეს ეკუთვნის. წილის მართვას  2017 წლიდან გვანცა ხელაძე ახორციელებს.

ქართული კომპანია, რომელიც ყიდის მსოფლიო ქსელში ჩართულ საერთაშორისო სიმ-ბარათებს (ევროპული, ქართული, ბრიტანული და ამერიკული ნომრებით) უფასო ზარებით როუმინგში.

„გლობალ სელის“ როუმინგით სარგებლობს 50 000-ზე მეტი აბონენტი, მათ შორის უმაღლესი სახელმწიფო ორგანოები, საჯარო და კერძო სამართლის იურიდიული პირები, საერთაშორისო და საზოგადოებრივი ორგანიზაციები და საცალო კლიენტები.