თბილისი (GBC) - საქართველოს ეროვნული ბანკის აგვისტოს გამოკითხვით შედეგად, ეკონომიკური საქმიანობის მონაწილეთა  ინფლაციური მოლოდინები გაიზარდა. კერძოდ მოიმატა რესპოდენტთა რაოდენობა,რომლებიც 1 წლის განმავლობაში ფასების ზრდას  8%-ზე მეტად ფიქრობს.

 ამავე გამოკითხვის მიხედვით, წინა თვესთან შედარებით სამწლიან პერიოდზე ინფლაციური მოლოდინები მცირედით გაიზარდა. მომატებულია იმ მონაწილეთა რაოდენობა, რომლებიც საშუალოდ მომდევნო სამი წლის მანძილზე უმეტესად ფასების 8%-ზე მეტად ზრდას ფიქრობენ.

გამოკითხულთა აზრით, საკუთარ პროდუქციაზე/მომსახურებაზე ფასების ცვლილების მოლოდინი 1 წლიან პერიოდში გაზრდილია. კერძოდ, წინა თვესთან შედარებით მომატებულია იმ რესპოდენტთა რაოდენობა, რომლებიც ფასებს 8%-ზე მეტად გაზრდას ვარაუდობენ. მეორე მხრივ, მოიმატა იმ რესპოდენტთა რაოდენობამ, რომლებიც ფასების 0%-2%-იან ინტერვალში ზრდას ფიქრობენ.

 ამავე გამოკითხვის მიხედვით, წინა თვესთან შედარებით მოლოდინები ხელფასების ცვლილებაზე გაზრდილია 10%-20%-ების ფარგლებში. თვიურად არ შეცვლილა იმ რესპოდენტთა წილი, რომლებიც ხელფასების ზრდას 30%-ზე მეტად ფიქრობენ. ამავე დროს გაიზარდა იმ რესპოდენტთა რაოდენობა, რომლებიც ხელფასების კლებას (-10%-0%) მოელიან.

გამოკითხულთა აზრით, კომპანიაში წარმოებისათვის საჭირო რესურსების ათვისების დონე (კომპანიის რესურსების რეალური გამოყენება, მაქსიმალურ გამოყენებასთან შედარებით) მიმდინარე თვეში წინა თვესთან შედარებით მცირედითაა დაკლებული.