თბილისი (GBC) – Forbes-მა რუსეთის უმდიდრესი ადამიანების რეიტინგი განაახლა.  GBC დაინტერესდა, რეიტინგის წევრი ქართული ფესვების ბიზნესმენებით.

უმდიდრესი რუსი ბიზნესმენის რეიტინგში 3 ქართული ბიზნესმენია,  მათ შორის ყველაზე დიდი ქონება, Forbes-ის შეფასებით 1.6 მილიარდი, ალექსანდრე ჯაფარიძეს აქვს.

ალექსანდრე ჯაფარიძე ყველაზე მდიდარი 2013 წელს იყო, როდესაც 2.3 მილიარდის ქონებას ფლობდა.  ბოლო 1 წელიწადში კი, ის 300 მილიონით გამდიდრდა და ახლა 61-ე ადგილზეა.

ალექსანდრე ჯაფარიძემ ბიზნესი 1992 წელს დაიწყო, ის ამჟამადაც ნავთობის  სფეროში საქმიანობს.

სიაშია ვიაჩესლავ მირილაშვილი, 34 წლის ბიზნესმენი 950 მილიონის ქონებას ფლობს და ეს მაჩვენებელი 2012 წლიდან არ გაზრდილი, შედეგად, ვიაჩესლავი 1 მილიარდიან ნიშნულს, Forbes -ის შეფასებით, ისევ ვერ გადასცდა.

90-იან წლებში, პეტერბურგელი სათამაშო ბიზნესის მაგნატის, მიხეილ მირილაშვილის ვაჟი სოციალური ქსელ «ВКонтакте» -ს თანადამფუძნებელია. 2013 წელს კომპანიის 40%  700 მლნ დოლარად გაყიდა. მიღებული თანხა კი, ისრაელში, ტექნოლოგიურ კომპანიებში ჩადო. მირილაშვილები წარმოშობით სამტრედიის რაიონის სოფელ კულიდან არიან. სოფელი ე.წ „ქართველი ებრაელების“ დასახლებაა.

132 - ადგილზეა დავით იაკობაშვილი, თუმცა შემცირებული ქონებით. 61 წლის იაკობაშვილის ქონება 100 მილიონით 800 მილიონამდეა შემცირებული.

61 წლის დავით იაკობაშვილი 800 მილიონამდე შემცირებული ქონებით რეიტინგში 132 - ე ადგილზეა.

იაკობაშვილი  ფლობს Petrocas Energy Group- ის 51% (49% ეკუთვნის როსნეფტს), ასევე არის „გალფის“ ქსელის მფლობელი საქართველოში; ფლობს ავტოგასამართ სადგურებს სომხეთში, აზერბაიჯანსა და ყაზახეთში. მის აქტივებს შორისაა ფოთის ნავთობტერმინალი, ჰოლდინგი „ბიოენერგია“ და უძრავი ქონება.