თბილისი (GBC) - სასტუმროების ოპერატორი კომპანია Marriott Vacations Worldwide კონკურენტ ILG -ს ყიდულობს.

მხარეებმა შეთანხმებაზე უკვე განაცხადეს. გარიგების ღირებულება 4.7 მილიარდი დოლარია (ქეშის და აქციების სახით), რომელიც შექმნის უმსხვილეს ლაქშერი ბრენდს სასტუმროს ტიპის უძრავ ქონებაში. გარიგება ჯერ კიდევ აქციონერების მხარდაჭერას საჭიროებს.

Bloomberg -ის ცნობით, გარიგება გააერთიანებს ორ ყველაზე მსხვილ კომპანიას, რომელიც ფლობს ისეთ ბრენდებს, როგორიცაა Marriott, Ritz-Carlton, Westin, Hyatt და Sheraton.  კომპანიას ექნება შესაძლებლობა კონკურენცია გაუწიოს Hilton Grand Vacations Inc (HGV.N) -ს და Bluegreen Vacations Corp (BXG.N)- ს .

Bloomberg-ი აღნიშნავს, რომ გარიგება შესაძლებლობას მისცემს Marriott Vacations -ს მომდევნო 2 წლის განმავლობაში  ხარჯები 75 მილიონით დაზოგოს.

გაერთიანებული კომპანიის შემოსავალი იქნება 2.9 მილიარდი დოლარი და მას ექნება მთელი ქვეყნის მასშტაბით, 100-ზე მეტი სასტუმრო ობიექტი. კომპანიას ექნება ექსკლუზიური წვდომა  Marriott International -ის და Hyatt Hotels -ის ლოიალურ პროგრამებთან.