თბილისი (GBC) - საქართველოს ბანკის ჯგუფმა საქმიანობა საინვესტიციო აქტივების გარეშე დაიწყო.

ლონდონის საფონდო ბირჟაზე დალისტული „საქართველოს კაპიტალი“ ახლა  საბანკო ბიზნესის მხოლოდ 19.9%-იან წილს ფლობს და მასაც ეტაპობრივად შეამცირებს.

LSE -ზე საქართველოს კაპიტალის   39 384 714 ჩვეულებრივი აქციაა განთავსებული. თითო აქციის ფასი განათავსებისას 11 ფუნტი იყო. 29 მაისის მდგომარეობით, Bloomberg-ის მონაცემებით, საინვესტიციო კომპანიის კაპიტალიზაციამ 438.588 მილიონი ფუნტი შეადგინა.

გაყოფის შემდეგ, საქართველოს ბანკის ჯგუფის საბაზრო ღირებულება 916.420 მილიონ ფუნტს შეადგენს.

"ვფიქრობ, გაყოფის შედეგად, საქართველოს ბანკს შესაძლებლობა ექნება, გადავიდეს განვითარების ახალ ეტაპზე და კიდევ უფრო საინტერესო ისტორია შექმნას საბანკო მომსახურების სფეროში.“ - ამბობს საქართველოს ბანკის გენერალური  დირექტორი კახა კიკნაველიძე. 

აღსანიშნავია, რომ საინვესტიციო და საბანკო მიმართულებებად ბიზნესების ცალ-ცალკე  გაყოფის შემდეგ აქციონერებმა, რომლებიც ფლობდნენ BGEO ჯგუფის აქციებს, თითოეული აქციის ნაცვლად მიიღეს საქართველოს ბანკის  ერთი  და „საქართველოს კაპიტალის“ ერთი აქციას.