„ჯორჯიან მანგანეზის“ მმართველის, ნიკოლოზ ჩიქოვანის განცხადებით, კომპანია ყოველთვის მზად არის, ზესტაფონის მუნიციპალიტეტის ხელმძღვანელობას ქალაქის მოვლა -პატრონობაში დაეხმაროს.

მისი თქმით, დასუფთავების სპეციალური ტექნიკის შეძენაც სწორედ ამ დამოკიდებულების გამოხატულებაა.

„კომპანია „ჯორჯიან მანგანეზისთვის“ სოციალური პასუხისმგებლობა ერთ-ერთი მნიშვნელოვანი ფაქტორია, შესაბამისად, ჩვენ აქტიურად ვცდილობთ, წვლილი შევიტანოთ ზესტაფონის განვითარებაში. აღნიშნული მანქანის გამოყენებით, ქალაქის დასუფთავება კიდევ უფრო გამარტივდება“, - აღნიშნა ნიკოლოზ ჩიქოვანმა.

საჩუქრისთვის კომპანიას მადლობა გადაუხადა ქალაქის მერმა. 

"ჯორჯიან მანგანეზი" ზესტაფონის მუნიციპალიტეტის მუდმივი პარტნიორია ყველა პროგრესულ წამოწყებაში და ამ შემთხვევაშიც, ქალაქის დასუფთავებაზე ზრუნვა ერთ-ერთი მთავარი პრიორიტეტია. მადლობას ვუხდით მათ გვერდში ასე დგომისთვის", -განაცხადა კახაბერ მახათაძემ.

"ჯორჯიან მანგანეზის“ მიერ ზესტაფონის მუნიციპალიტეტისთვის შეძენილი ტექნიკის ( HUWO 4X2 Road Sweeping Truck) ღირებულება 103 137 ლარია. აღნიშნული მანქანით ქალაქის დასუფთავება უახლოეს დღეებში დაიწყება.