თბილისი (GBC) – ფინანსისტები კაპიტალის ბაზრის განვითარების  პერსპექტივებს, ამ რეალობაში, სკეპტიკურად უყურებენ. 

„კაპიტალის ბაზრის განვითარება, განმარტების თანახმად, საბანკო ბიზნესთან ინტერესთა კონფლიქტშია“,- ასე აკომენტარებს საინვესტიციო ბანკინგის მუშაობის შესახებ GBC-ის ნიუსს ლევან სურგულაძე (ფინანსისტი, კავკასიის ბიზნეს ჯგუფის სამეთვალყურეო საბჭოს თავმჯდომარე).

მიაჩნია, რომ  „ვიდრე აქ მუსიკას  ბანკების უკვეთავენ,  განვითარება არ დაიწყება“.

„2009 წლამდე, კაპიტალის ბაზარი მეტ-ნაკლებად ვითარდებოდა. სამწუხაროდ, მაშინდელი ეროვნული ბანკის ინიცირებით მოხდა ამერიკელების შექმნილი კანონმდებლობის სრული დეგრადირება საქმეში ჩაუხედავი არაპროფესიონალების მიერ. ერთადერთი გამოსავალი - ყველაფრის თავიდან და სწორად დაწყებაშია. ეროვნული ბანკი არ უნდა იყოს ფასიანი ქაღალდების მარეგულირებელი (და არც საბანკო ზედამხედველი...), კომერციული ბანკები უნდა ჩამოშორდნენ ფასიანი ქაღალდები ბაზარს, კანონმდებლობა, როგორც მინიმუმ, უნდა გადაიწეროს ან/და დაუბრუნდეს 2008-2009 წლის მდგომარეობას. სხვაგვარად, ძალიან დიდხანს გვექნება ამგვარი ბუტაფორია (ფასიანი ქაღალდების ბაზრის). თურმე "ბაზარზე ობლიგაციების მყიდველთა დეფიციტია- ნეტა რატომ?“, -კითხულობს  ლევან სურგულაძე.