თბილისი (GBC)- საქართველო შესაძლოა მარიხუანას ექსპორტიორი ქვეყანა გახდეს.

მმართველი პარტიის წევრები უკვე ღიად ადასტურებენ, რომ საკითხი უმრავლესობის სხდომაზე განიხილეს.

საუბარია სამკურნალო ან სხვა საწარმოო მიზნებისთვის მარიხუანას მოყვანა/ ექსპორტზე.

ფრაქცია „მწვანეების“ თავმჯდომარის გია გაჩეჩილაძე 1tv.ge-სთან ამბობს, რომ ვერსიის დონეზე განიხილება მარიხუანას წარმოება, თუმცა ეს დარგი ლიცენზირებას დაექვემდებარება.

„ლიცენზიის გამცემი ვინ იქნება, ვერ გეტყვით. ალბათ, ამაში შსს და სოფლის მეურნეობის სამინისტროები იქნებიან ჩართული. აგრარულ სექტორში ალბათ ამის მოყვანა ლიცენზირებას დაექვემდებარება და როგორც ამბობენ, ძალიან მკაცრად კონტროლირებდი იქნება და მხოლოდ ექსპორტზე იქნება გათვლილი”, – აღნიშნა გიორგი გაჩეჩილაძემ.

აღსანიშნავია, რომ მარიხუანას მოხმარებასთან დაკავშირებით  შინაგან საქმეთა სამინისტრო ახალ კანონპროექტზე მუშაობს.