თბილისი (GBC) –  „წისქვილი ჯგუფი“  სტუმარი ტურისტების რაოდენობას 100 000 -მდე ზრდის.

კომპანიის ცნობით, ის 2017 წელს 70 000 ტურისტს გაუმასპინძლდა.  სასმელ-საჭმელის გარდა, კომპლექსი  სტუმრებს  ღვინის ეზოში ასეირნებს და  თეატრალიზებულ  ინტერაქციულ შოუში მონაწილეობის საშუალებას აძლევს.

„წისქვილი ჯგუფი“ თიბისის ბიზნესდაჯილდოების 18 ფინალისტს შორისაა,  სამიზნე ნომინაცია „წლის ტურისტული ბიზნესი“

გამარჯვების შემთხვევაში  თიბისის 3 შეთავაზებიდან პროგრამულ უზრუნველყოფას აირჩევს, „რადგან ეს ტურსტებს ჩვენს აღმოჩენაში მეტად დაეხმარება“.  

ამ ნომინაციაში წისქვილის კონკურენტია “ალტიტუდა” ზღვის დონიდან 3014 მეტრის სიმაღლეზე განთავსებული ბიზნეს ეკო-სისტემაა, რომელიც აერთიანებს რესტორანს, ბიბლიოთეკას, 46  სტუმრის მასპინძლობის შესაძლებლობით.  კომპანიამ სრულიად ახალი სამოგზაურო და სარეკრეაციო გამოცდილება შექმნა.

ასევეა Ecotour Georgia - პატარა ტურისტული კომპანია, რომლის საქმიანობაც შემომყვანი ტურიზმია. კომპანიის მიმართულება (Birdwatching, wildlife watching tours)  ფრინველებზე და ზოგადად ველურ ბუნებაზე დაკვირვების ტურიზმია.