თბილისი (GBC) –  20 მილიონი ბოთლი ბრენდი და 422 ათასი ბოთლი ჭაჭა - საქართველოდან ალკოჰოლური სასმელების ექსპორტი მზარდია.

ქართული ბრენდი მსოფლიოს 26 ქვეყანაში გავიდა, ზრდა 9%-ია. შემოსავალმა 40.7 მლნ დოლარს მიაღწია, 3%-ით მეტს ვიდრე შარშან.

ასევე 26 ქვეყანაში გავიდა ქართული ჭაჭა.  ექსპორტის ზრდამ 47% შეადგინა. ჭაჭის ექსპორტით მიღებული შემოსავლები 1,2 მლნ აშშ დოლარს შეადგენს, ზრდამ 2017 წელთან შედარებით 44%-ს მიაღწია.

ღვინის ეროვნული სააგენტოს  ცნობით, მთლიანობაში, ღვინის, ბრენდის, ჭაჭის, ჩამოსასხმელი ბრენდის და საბრენდე სპირტის ექსპორტის შედეგად მიღებული შემოსავლები 306,5 მლნ აშშ დოლარს შეადგენს - ზრდამ 2017 წელთან შედარებით 7%-ს მიაღწია.