თბილისი (GBC) – ხშირად ბიზნესი სა­კუ­თა­რი თე­ო­რი­უ­ლი და პრაქ­ტი­კუ­ლი რესურ­სით ცდი­ლობს იმი­ჯის შექ­მნას თანხის დაზოგვის მიზნით, რასაც ქართული ბიზნესის იმიჯის შემქმნელი კომპანია „ქედი სტუდიო“ არ ეთანხმება. 

კომპანიის დამფუძნებელი აღნიშნავს, რომ  არასწორად დაგეგმილი, მხოლოდ შიდა რესურსის გამოყენებით განხორციელებული სარეკლამო თუ მარკეტინგული კამპანიის შეცდომების მასშტაბი გაცილებით დიდია და შეცდომების აღდგენა-გამოსწორებისთვის გაცილებით მეტი დრო და რესურსი დაიხაჯება, როგორც ადამიანური, ისე ფინანსური.

„ამას სარეკლამო სფეროში IN HOUSE MARKETING/ADVERTISING -ს უწოდებენ, რაც პატარა ორგანიზაციების მოქმედების არეალია. მათ მიერ დაშვებული შეცდომები დიდად არ აისახება საერთო მარკეტინგულ სურათზე, რადგან ამ ორგანიზაციის მასშტაბი პატარაა, თუმცა თუ კომპანია გრძელვადიან გეგმებსა და განვითარებაზეა ორიენტირებული და მას სტრატეგიული ხედვა აქვს, ვურჩევთ, თავიდანვე მიმართონ პროფესიონალებს და სწორი სტარტეგიული გეგმარებით იმოქმედონ. დიდი ორგანიზაციები ამ ჭრილში არც განიხილება“, - აცხადებს “ქედი სტუდიოს“ დამფუძნებელი  გია ალიხანაშვილი.

მისი თქმით, ეფექტური  კამპანია არ ნიშნავს აუცილებლად ძვირადღირებულს, ხოლო გაუთვლელმა კომპანიამ შეიძლება ისე დააზიანოს მისი იმიჯი, რომ დიდი ბიუჯეტითაც კი ძნელი იყოს  აღდგენა.

„ჩვენ ყოველთვის ვიყენებთ ბაზრის კვლევას და ანალიზს, რაზე დაყდნობითაც თითოეული კლიენტისთვის ვამზადებთ მათზე მორგებულ, ეფექტურ კამპანიას. ეს აუცილებლად ძვირადღირებულს არ ნიშნავს. ნებისმიერ ბიუჯეტში შესაძლებელია ამ ქეისის შეკვრა. სწორედ ეს არის პროფესიონალიზმი და ამიტომ თანამშრომლობენ ჩვენთან წლების განმავლობაში, როგორც დიდი, ისე დამწყები ორგანიზაციები“, -  განაცხადა გია ალიხანაშვილმა.