თბილისი (GBC) - გიორგი სვანიძე "შატო სვანიძის" წარმოების გაფართოებას გეგმავს. 

ბიზნესმენის თქმით, საწარმო უახლესი იტალური დანადგარებით აღიჭირვება და შატოც 1.2 მლნ ბოთლი ღვინის  წარმოებას შეძლებს. 

„ამ კუთხით აქტიურად ვმუშაობთ. ვერონაში გვქონდა შეხვედრები. ვგეგმავთ უახლესი იტალიური საწარმოო ხაზის შემოტანას", -  გიორგი სვანიძე ამბობს, რომ წარმოების გაფართოება  შემოდგომისთვის იგეგმება. თუ  მოლაპარაკებები გაჭიანურდება,  ასეთ შემთხვევაში პროცესი 2020 წლის შემოდგომამდე გადავადდება. 

ახალი პროექტის საინვესტიციო ბიუჯეტი რამდენიმე მილიონი დოლარია.

აღსანიშნავია, რომ  " შატო სვანიძის" ღვინოები  უკვე ტიტულოვანია. მოსკოვში გამოფენა PRODEXPO-ზე  გრან-პრი „საუკეთესოთა შორის საუკეთესო“ და ოქროს მედალი მოიპოვა.

ამ ეტაპზე „შატო სვანიძე“ ჯერ ღვინოს მოკრძალებული მოცულობით უშვებს. სულ 20 000 -დან 50 000 ბოთლის ფარგლებში.  პროდუქცია ექსპორტზე გადის.