თბილისი (GBC) - ნიკოლოზ გამყრელიძე „სამედიცინო კორპორაცია ევექსის„ გენერალური დირექტორობიდან კომპანიის სამეთვალყურეო საბჭოში ინაცვლებს.

გამყრელიძე კორპორაციის სამეთვალყურეო საბჭოს თამვჯდომარის პოსტიდან გააგრძელებს უმსხვილესი კლინიკების ქსელის კურატორობას. ეს პოსტი მას ირაკლი გილაურმა დაუთმო.

წასვლამდე ევექსში მასშტაბური რეორგანიზაცია განხორციელდა. 2018 წლის 1 ნოებრიდან დაწყებული ცვლილებების შედეგად, ევექსს შეერწყა მასთან აფილირებული კლინიკები.

რეორგანიზებულ კომპანიას კი, უკვე 2 თანაბარუფლებიანი დირექტორი მართავს: გიორგი მინდიაშვილი და გიორგი გორდაძე.

ევექსის 100% „საქართველოს ჯანდაცვის ჯგუფს“ ეკუთვნის, რომელიც გენერალური დირექტორი ნიკოლოზ გამყრელიძეა.  ჯგუფი ლონდონის საფონდო ბირჟაზეა დალისტული და მისი საწესდებო კაპიტალი 509 მლნ ლარზე მეტია.