თბილისი (GBC) - საინვესტიციო მიმზიდველობით წლის პროდუქტი  იშვიათი სახეობის ვისკია, - ასეთია Knight Frank -ის დასკვნა, რომელმაც ახალი, ყოველწლიური რეიტინგი The Wealth Report-ი გამოაქვეყნა. რეიტინგი ასახავს პლანეტის ყველზე მდიდარი ადამიანების მიერ აუქციონებზე გადახდილ თანხას.  

აღმოჩნდა, რომ რარიტეტული სორტის ვისკი ყველაზე მომგებიანია. მისი  ღირებულება 1 წელიწადში 40%-ით გაიზარდა. მაღალი საინვესტიციო მიმზიდველობა აჩვენა ასევე ღვინომ, ხელოვნების ნიმუშებმა და ავტომობილებმა.

შოტლანდიურ ვისკიზე ფასის ზრდა აზიის ბაზარზე მოთხოვნის ზრდამ განაპირობა. ინდოეთში, ჩინეთსა და სინგაპურში გასული წლის I ნახევარში, ვისკის რეალიზაციის მაჩვნებელი  შესაბამისად, 44, 35 და 24 %-ით, გაიზარდა.

ყველაზე ძვირადღირებული 1926 წლის მოსავლით დაყენებული ვისკი Macallan აღმოჩნდა, რომელიც ირლანდიელი მხატვარის  მაიკლ დილონის მიერ არის  ხელით მოხატული.  ეს ბოთლი Christie's -ის აუქციონზე 1.2 მილიონ ფუნტად გაიყიდა.

ვისკის კვალად ინვესტიციების ჩასადებად პოპულარული იყო:

მონეტები (წლიური ზრდა 12%);

ღვინო და ხელოვნების ნიმუშები (+9%)

საათები (5%);

ავტომობილები (2%);

ავეჯი (1%).

ფერად ბრილიანტებსა და საფოსტო მარკებზე ფასი არ გაზრდილა, საიუველირო ნაწარმზე კი, ფასის კლება დაფიქსირდა.