თბილისი (GBC) - Fitch -მა საქართველოს რკინიგზას რეიტინგი გაუზარდა.

სააგენტომ უმსხვილესი გადამზიდავის რეიტინგი “B+”- დან “BB-” დონემდე გაზარდა, პროგნოზით „სტაბილური“. ცვლილება  საქართველოს სუვერენული რეიტინგის  „BB“ -მდე ზრდამ განაპირობა.

სააგენტო მიუთითებს, რომ საჭიროების შემთხვევაში კომპანია სახელმწიფო მხარდაჭერის მიღებას შეძლებს.

შეფასება ასევე ასახავს „საქართველოს რკინიგზის“ პოტენციური დეფოლტის შემთხვევაში ზომიერ სოციალურ-ეკონომიკურ და ძლიერ ფინანსურ შედეგებს, რაც Fitch-ის შეფასებით გაართულების კაპიტალის მოდერნიზაციის პროგრამას და საქართველოს ეკონომიკის გრძელვადიან პერსპექტივას.

Fitch -ი ელის, რომ 2019 – 22 წლებში დასტაბილურდება „საქართველოს რკინიგზის“ საოპერაციო მაჩვენებლები და ფულადი ნაკადების გენერირება.  მათი შეფასებით, EBITDA 2018 წელს 170 მლნ ლარი იქნება, 2022 წლისთვის კი, 220- 240 მლნ ლარს მიაღწევს.