თბილისი (GBC) -იანვარში საქართველოს დერეფანში 2.7 მილიონი ტონა ტვირთი გადაიზიდა. სატრანსპორტო დარგებმა წინა წილის მაჩვენებელზე გასვლა შეძლეს. 

ტვირთებიდან 1.3 მლნ ტონა საქართველოს პორტებმა გადაამუშავა, სადაც ზრდის ტრენდს ინარჩუნებს საკონტეინერო ტვირთბრუნვა. ნავსადგურებმა 42 664 TEU კონტეინერი გადაამუშავეს, 8000 ერთეულით მეტი ვიდრე შარშან.

საავტომობილო გზით დაახლოებით 2 მლნ ტონა ტვირთი გადაიზიდა. რკინიგზით 0.8 მლნ ტონა. აღსანიშნავია, რომ რკინიგზაზე ტვირთის ზრდა დაფიქსირდა - 0.1 მლნ ტონით.

მონაცემებს კიდევ უფრო თუ ჩავშლით - ბათუმის პორტმა 0.2 მლნ ტონა ტვირთი მიიღო (-0.1 მლნ), ფოთის პორტმა 0.7 მლნ ტონა (+0.1 მლნ), კლებაა სუფსის ტერმინალში სადაც 0.3 მლნ ტონა ტვირთი გადამუშავდა. 0.1 მლნ ტონა გაატარა ყულევის ტერმინალმა, რითაც წინა წლის მაჩვენებელი შეინარჩუნა.