თბილისი (GBC) - ბიზნესფორუმის 9 სპიკერი თიბისის ბიზნესკლიენტების წინაშე სხვადასხვა აქტუალური თემით წარდგა. სესია თიბისის გენერალური დირექტორის მოადგილემ - ნიკოლოზ ქურდიანმა გახსნა და მან ბიზნესში მიმდინარე თანამედროვე ტენდენციებზე ისაუბრა - რატომ უნდა გახდეს ყველა ბიზნესი ციფრული და რა როლი აქვს მარკეტინგს ბიზნესის განვითარებაში.

სპიკერმა ნინო ოხანაშვილმა HR-ის მიმართულებით მრავალწლიანი საკონსულტაციო გამოცდილებით, ლიდერობის ხელოვნებაზე ისაუბრა და შეეცადა ეპასუხა „როგორ  უნდა გახდეს ლიდერი სხვებისთვის მოტივატორი?“

მცირე ბიზნესის გამოწვევებზე NEXIA TA-ს მმართველმა პარტნიორმა - გელა მღებრიშვილმა ისაუბრა; აგროეკოლოგმა - დავით ბირკაძემ აგროტურიზმზე; SavvY Consulting მმართველმა პარტნიორმა - მარიამ ქოიავამ კი IFRS-ის სიახლეები, რეგულაციები და უპირატესობები გააცნო ფორუმზე შეკრებილ მეწარმეებს.

ფორუმი თიბისის სოციალური პასუხისმგებლობის მენეჯერმა - ალექსანდრე მაყაშვილმა დაასრულა თემით - „თავი თუ სახელი“ ანუ ნდობა, როგორც მთავარი აქტივი ბიზნესში.

ამით ფორუმის I ნაწილი დასრულდა და მონაწილეები ინტერესის სფეროების მიხედვით, ვორქშოპებზე გადანაწილდნენ. 

·        „ყურადღების მიპყრობის ერა ანუ მარკეტინგის ციფრული ტრანსფორმაცია“ - ვორქშოპი თიბისის ციფრული მარკეტინგის უფროსმა მენეჯერმა - ტატო ნორაკიძემ ჩაატარა.   „როგორ წამოვიწყოთ ექსპორტი“ - გვანცა ძნელაძე (ექსპორტის განვითარების სააგენტო).        „სასტუმრო მასპინძლობის ინდუსტრია“ - ქეთევან ალიმბარაშვილი (აგარარული უნივერსიტეტის ლექტორი).

        „როგორ შევაფასოთ საოპერაციო გადაწყვეტილებები ბიზნესში“ -  შალვა ახრახაძე (საკონსულტაციო კომპანიის - „ფინანსური ლაბორატორიის“  მმართველი პარტნიორი).ა.

ბიზნესფორუმი აჭარისა, იმერეთის და კახეთის შემდეგ  გზას საქართველოს სხვა რეგიონებისკენ გაუყვება.