თბილისი (GBC) - დაბალბიუჯეტიანი ავიაკომპანია Wizz Air 16 აგვისტოს თბილისში, ავიაკომპანიის ქუთაისის ბაზაზე სამუშაოდ ღია რეკრუტინგის დღეს ატარებს.

„ვეძებთ ახალგაზრდა, მხიარულ, ენერგიით სავსე ადამიანებს, რომლებსაც სურთ შემოგვიერთდნენ, როგორც  ბორტ გამცილებლები და ეკიპაჟის წევრები ავიაკომპანიის ქუთაისის ბაზაზე“, - აცხადებს ავიაკომპანია. 

ავიაკომპანიის მთავარი მოთხოვნებია: 18 წელს ზემოთ ასაკი; მინიმალური სიმაღლე ქალებისთვის 165 სმ, კაცებისთვის 175 სმ, ფეხის წვერებზე მდგარი, ხელებაწეულის სიმაღლე - 210 სმ; საშუალო სკოლის დიპლომი; სრულყოფილი ცოდნა წერისა და საუბრის ინგლისურის და სასურველია რომელიმე ევროპული ენის ცოდნა; ვალიდური პასპორტი შეზღუდვების გარეშე (მინიმუმ 6 თვე); ცურვის ცოდნა; არ გაქვთ ტატუები ან პირსინგები სხეულის ინ ნაწილზე რომელიც უნიფორმის ტარებისას შესამჩნევია; +4-ზე მეტი და -4-ზე ნაკლები მხედველობის პრობლემა, რა შემთხვევაშიც კანდიდატი ვერ ჩააბარებს სავალდებულო სამედიცინო შემოწმებას.

Wizz Air-ის დასაქმების დღე თბილისში, სასტუმრო Mercure Tbilisi Old Town-ში დილის 9 საათზე დაიწყება.