თბილისი (GBC) - კახური ტრადიციული მეღვინეობა  (KTW)  ქედაში ხილის გადამამუშავებელ საწარმოს ყიდის.

საწარმო ,,აგრო ქედა  „ნენა“-ს ბრენდით ხილის გადამუშავებით მიღებულ პროდუქციას აწარმოებს, ის 2015 წელს, სახელმწიფოს ხელშეწყობით გაიხსნა.

საწარმოს საწყისი გასაყიდი ფასი 4.2 მლნ ლარია, „ბიჯი“  42 000 ლარს შეადგენს. აუქციონი 16 აგვისტოს დასრულდება.

საწაროს ახალმა მფლობელმა გარკვეული ვადით პროფილი უნდა შეინარჩუნოს, გადაამუშავოს არანაკლებ 220 ტონა ხილი, დაასაქმოს არანაკლებ 20 საქართველოს მოქალაქე და 2019 წლის ბოლომდე  სასაწყობე მეურნეობის მოწყობის მიზნით უნდა განახორციელოს არანაკლებ 150 000 ლარის ინვესტიცია.

„ნენა“ ქართული ბრენდია და აწარმოებს, უმაღლესი ხარისხის საკვებ პროდუქციას. ჯემებს, კომპოტებს, მურაბებს, თაფლს, ტყემლებსა და საწებლებს.

„ნენას“ ქარხნები მდებარეობს გურიის (ჩოხატაური) და აჭარის (ქედა) მაღალმთიან რეგიონში.