თბილისი (GBC) – ხაზარაძე/ჯაფარიძის ჩამოშორებით  ანაკლიის ბედი არ შემობრუნდება, - ექს-მინისტრი გიორგი ქობულია მთავრობის 6 -წლიანი არათანმიმდევრული პოლიტიკის არათანმიმდევრულ ახალ ფაზაზე აცხადებს და მოუწოდებს გახარიას კაბინეტს თუ პორტი სტრატეგიული პროექტია, აუხსნან მოსახლეობას, რატომ არის ის სტრატეგიული.  ასევე ჩნდება კითხვა, თუ სტრატეგიულია, რატომ ამბობს უარს ვალდებულებების აღებაზე მთავრობა. 

მისი თქმით, არეულობაში ხელისუფლებას მიუძღვის ბრალი, რომელმაც პროექტის კონსტიტუციაში შეტანით ბიზნესმენი წააქეზა - „ინვესტორს სტრატეგიულობა კი არა, საინვესტიციო მიმზიდველობა აინტერესებს, ბიზნესქეისი, .. (ანაკლიის პორტი) რა კონსტიტუციაში შესატანი იყო“, - ქობულის აზრით, პროექტის კონსტიტუციაში შეტანაც  არათანმიმდევრული ნაბიჯია.  დაუშვებელია  ამა თუ იმ მთავრობის განწყობის მიხედვით პროექტის პრივილეგირება.