თბილისი (GBC) -  ბოლო ემისიის დაფარვიდან რამდენიმე თვეში, ნიკორა ლარის ობლიგაციებს უშვებს. 30 მლნ ლარამდე განთავსებაზე  ხვალ განაცხადებს (განთავსების აგენტი თიბისი კაპიტალი).

ფული გაფართოებისთვის სჭირდება 2020 წლის ბოლოსთვის  450-მდე სავაჭრო ობიექტი უნდა რომ ჰქონდეს. ამ დროისთვის 250-ზე მეტი  მაღაზიაა. კომპანიის ქაღალდები ბირჟის B ლისტინგში ივაჭრება.

როგორც იცით ემიტენტი კომპანია (A,B ლისტინგი) საგადასახადო შეღავათებით არის წახალისებული, დივიდენდი და პროცენტი 5%-იანი მოსაკრებლისგან გათავისუფლებულია.  გათვალისწიენებულია  საშემოსავლო შეღავათი საცალო აქციონერისთვის რეალიზაციით მიღებულ ნამეტზე (-20%),  კორპორაციული აქციონერი (  იურიდიული პირი)  მოგების გადასახადისგან თავისუფლდება. ამასთან  0%-ია ემისიის  მოსაკრებელი.

ლარში დენომინირებული  ფასიანი ქაღალდები კი მაღალრეიტინგულობის გათვალისწინებით, გირაოდ გამოიყენება (მაგ: ბანკი  ბონდების უზრუნველყოფით სებ-ისგან რეფინანსირების სესხს იღებს).

სს ”ნიკორა ტრეიდს” Scope Ratings-ის B+, მის ობლიგაციებს კი  BB -  რეიტინგი აქვს.  კვების და საყოფაცხოვრებო მოხმარების პროდუქციის საცალო ვაჭრობის სფეროში, ამ ნიშნით, პირველია

ფასიანი ქაღალდების ბაზარზე კომპანია პირველად  გალტ&თაგარტმა გაიყვანა, კუპონური ობლიგაციებით. შემდეგ დიკონტურის ემისიებიც დაიწყო.