თბილისი (GBC) – „ეს ნიშნავს საქართველოში ახალი ტვირთების შემოდინებას და  ახალი სერვისების განვითარებას“, - ანაკლია სითის აღმასრულებელი დირექტორი ქეთევან ბოჭორიშვილი  Kuehne + Nagel -თან მემორანდუმზე აღნიშნავს, რომელიც სპეციალურ ეკონომიკურ ზონაში უფრო მეტი მეწარმის ჩართულობას გულისხმობს. ჩნდება მოლოდინი, რომ თეზის ინდუსტრიულ და ლოგისტიკურ ცენტრით უფრო მეტი საერთაშორისო კომპანია დაინტერესდება.

ანაკლიის განვითარების კონსორციუმს, ანაკლია სითისა და მსოფლიოს წამყვანი ლოგისტიკური კომპანია Kuehne + Nagel-ს შორის ურთიერთშეთანხმების მემორანდუმი გაფორმდა, რომელიც მიზნად ისახავს ქუნენ ნაგელის ბიზნეს აქტივობის გაზრდას რეგიონში, ანაკლიის ღრმაწყლოვანი პორტისა და სპეციალური ეკონომიკური ზონის მეშვეობით.