თბილისი (GBC) - ბიძინა ივანიშვილი მზადაა შეკვეთილში  სასტუმრო “პარაგრაფი“  $60 მილიონად, ანუ ნახევარ ფასად გაასხვისოს, სადაც უკვე $120 მლნ-ზე მეტია ინვესტირებული, - Entrepreneur Georgia -სთან ინტერვიუში. მმართველი პარტიის თავმჯდომარე დამატებით პირობაზეც აცხადებს,

თუ მყიდველი აუდიტის შედეგად $120 მილიონიდან  დაუსაბუთებელ ხარჯს აღმოაჩენს, ნომინალ;ურ $60 მლნ -ს აღნიშნულ თანხასაც დააკლებს.

„პანორამა თბილისი“ კი 10-დან 30%-მდე ფასდაკლებით გამოაქვს, ხარჯებზე ანალოგიური დათქმით.

ამასთან ივანიშვილი მზადაა, თვითღირებულებით ან გარკვეული ფასდაკლებით გაასხვისოს „ტურიზმის განვითარების ფონდის“ მშენებარე 8 სასტუმრო ერთადერთი პირობით – მათი მშენებლობა და ექსპლუატაციაში გაშვება არ უნდა შეფერხდეს (მაქსიმალური ვადა – 2 წელი) და დამტკიცებული პროექტები შეუთანხმებლად არ შეიცვალოს“.