თბილისი (GBC) - Gazelle Fund LP-მა თხილის გადამამუშავებელ და ექსპორტიორ კომპანია NUTSGE-ში 1,1 მლნ დოლარი ჩადო.

NUTSGE-ის გადამამუშავებელი ქარხანა მდებარეობს სამეგრელოში, თხილის პლანტაციების ერთ-ერთ ისტორიულად ნაყოფიერ რეგიონში, სადაც საქართველოში მოსავლის ყველაზე მაღალი მაჩვენებელი (მთელი ქვეყნის მოსავლის თითქმის ნახევარი) მოდის და სადაც არის ენდემური ჯიშების ყველაზე მაღალი კონცენტრაცია, მათ შორის ანაკლიური, უჩა, ნემსა და ხარისთვალა. NUTSGE ასევე აქტიურად მარაგდება კახეთის რაიონიდან, რაც ზრდის მისი მიწოდების ქსელის დივერსიფიკაციას.

კომპანია აღჭურვილია თანამედროვე ტექნოლოგიებით და ავტომატიზირებული საწარმო ხაზებით.

კომპანია აწარმოებს თხილის პროდუქტების სრულ სპექტრს, როგორებიცაა: ნატურალური თხილის გული, მოხალულ ბლანშირებული თხილის გული, მოხალულ დაქუცმაცებული თხილი, თხილის ფქვილი და თხილის პასტა.