თბილისი (GBC) – ვენახში ჩაძირული სასტუმრო, შატო ვილებით, Amber Group-ი - Georgia Real Estate Holding-ის (Georgia Capital) ახალი ბრენდის სასტუმრო  ახაშენში შენდება. საკონფერენციო, სპა -სალონების გარდა სასტუმროში განთავსდება პატარა მეღვინეობა, რომელიც  ყველა სეზონის რიტუალში მონაწილეობის საშუალებას ტურისტებსაც მისცემს, ვაზის მოვლიდან, ყველაზე საპასუხისმგებლო  რიტუალების ჩათვლით - რთველი, ქეიფი.ქართული სუფრის და ქართული ღვინის 8 000 წლიანი ისტორიის  საერთაშორისო წარმოჩენაა ჰოლდინგის  სტრარტეგიაც, რაც გასტრონომიული ტურისტების  მოზიდვას ემსახურება. ახაშნის ტურისტული ობიექტის საინვესტიციო ბიუჯეტი $8 მლნ-ია

ჰოლდინგმა რამდენიმე რეგიონული სასტუმროს პროექტი წარმოადგინა , მათ შორის თელავის  (ყოფილი ინტურისტი), სადაც  უნიკალური XVIII საუკუნის ვახვახიშვილების მარანი განთავსდება..

ასევე გუდაურის, I ტრასასთან, თხილამურებით პირდაპირ სასტუმროში რომ შეხვალ, ბუხართან გათბები და კონიაკით ოდნავ შეზარხოშდები. კომპლექსში უნიკალური  გარე ჯაკუზია, ცხელი წყლით. სასტუმრო უკვე დეკემბერში პირველ სტუმრებს უმასპინძლებს (საინვესტიციო ბიუჯეტი $13 მლნ).

2 სასტუმრო აშენდება მესტიაში,. სუფრას კუბდარის, ჭვიშტარის, ადგილობრივი საუცხოო კერძებთან ერთად ნარზანიც  დაიდება.. ამბერი  ტურისტებისთვის იქაური მჟავე წყლების გაცნობასაც აპირებს. დეკას პლანტაციებშიც აასეირნებს, ჭიუხვებში, მუშურის მწვერვალამდე, თვითნაბადი კვარცის  სანახავად მიმავალ ტურისტებს.