თბილისი (GBC) - საქართველოს ჯანდაცვის ჯგუფის (GHG) კონსოლიდირებული შემოსავლები 9 თვეში ₾703.3 მლნ-ია ($238 მილიონი), რაც13%-ით მეტია, ვიდრე 2018 წლის 9 თვეში.

ახლადგაშვებული ჰოსპიტალების და გაშვების ეტაპზე მყოფი პოლიკლინიკების გამოკლებით, კაპიტალზე უკუგება 50 საბაზისო პუნქტითაა გაუმჯობესებული YoY, 14.3%-მდე.

ჯგუფის ცხრა თვის მოგებამ ₾46 მლნ შეადგინა ($15.6 მლნ), YoY ზრდა 21%-ია. დაზუსტებულმა მოგებამ (დაზუსტებული არაგანმეორებადი ელემენტებითა და უცხოური ვალუტის დანაკარგებით) თითო აქციაზე ₾0.27 შეადგინა ($0.09).

საანგარიშო პერიოდში ჯგუფისთვის ყველაზე შემოსავლიანი და მომგებიანი სააფთიაქო-სადისტრიბუციო ბიზნესი იყო. შემოსავლები ₾442 მლნ (ზრდა 17.1% YoY), მოგება ₾30.4 მლნ (ზრდა 24.1% YoY).

ჰოსპიტალების ბიზნესიდან ჯგუფმა ₾217.7 მლნ - ის შემოსავალი (ზრდა 10.9% YoY) და ₾13.2 მლნ-ის მოგება (კლება 4.9% YoY) მიიღო.

რაც შეეხება სამედიცინო დაზღვევის ბიზნესს, შემოსავლები ₾55.8 მლნ-ზე (ზრდა - 35.3%), ხოლო მოგება ₾3.9 მლნ (ზრდა - 57.5% YoY).

ამავე პერიოდში ჯგუფისთვის კვლავ წამგებიანი აღმოჩნდა კლინიკების და დიაგნოსტიკის ბიზნესი.

კლინიკების ბიზნესიდან ჯგუფმა ₾32.5 მლნ-ის შემოსავალი (ზრდა - 15% YoY) და ₾1.2 მლნ-ის ზარალი მიიღო (ზარალი 52.2%-ით შემცირდა YoY).

დიაგნოსტიკიდან მიღებული შემოსავლები 66%-ით გაიზარდა (YoY) ₾3.4 მლნ-მდე, ხოლო ზარალი ₾0.2 მლნ-ზე დაფიქსირდა, რაც წინა წლის შესაბამის პერიოდთან შედარებით უცვლელია.