თბილისი (GBC) - მესამე კვარტალში საქართველოს უმსხვილესი ინვესტორი კომპანიებს შორის ახალი კომპანია არ არის.

საქსტატის ცნობით, სიაში არიან:

IDS  ბორჯომი

შპს მაგთიკომი

სს ენერგო-პრო ჯორჯია

სს კორპორაცია ფოთის საზღვაო ნავსადგური

სს RMG Copper

შპს ტოიოტა კავკასია

შპს აჭარ ენერჯი-2007

სს მეტრო ავრასია ჯორჯია

შპს საქართველოს ტურიზმის განვითარების ფონდი

სს ბიჯეო ჯგუფი

შეგახსენებთ, მესამე კვარტალში ყველაზე მეტი პირდაპირი უცხოური ინვესტიცია საფინანსო სექტორში განხორციელდა და 96 მლნ დოლარი შეადგინა, რაც მთლიანი პირდაპირი უცხოური ინვესტიციების 23.0 პროცენტია.

მეორე ადგილზე იმყოფება დამამუშავებელი მრეწველობის სექტორი 49.3 მლნ. აშშ დოლარით, ხოლო მესამეზე - სასტუმროების და რესტორნების სექტორი 45.7 მლნ. აშშ დოლარით.

ამ სამი უმსხვილესი სექტორის წილი ჯამურ FDI -ში   45.7 %-ია.  

საქართველოში განხორციელებული პირდაპირი უცხოური ინვესტიციების მოცულობამ 2019 წლის III კვარტალში 417.3 მლნ. აშშ დოლარი შეადგინა, რაც 2018 წლის III კვარტალის დაზუსტებულ მონაცემებზე 13.7 პროცენტით მეტია.

III კვარტალში ჯამში 909 მლნ დოლარია ჩადებული საქართველოში უცხოელი ინვესტორების მიერ.