თბილისი (GBC) - თელიანი ველს რეორგანიზაცია დასრულდა.ალკოჰოლური სასმელების მწარმოებელს  ახალი იურიდიული პირი –„ჯორჯიან ბევერიჯის ჰოლდინგი“ გამოეყო.

ახალი კომპანიის განცხადებული (ნებადართული) საწესდებო კაპიტალი განისაზღვრება 12 მლნ  ლარით, რომელიც 1.2 მილიარდ აქციად არის დაყოფილი.  ამ დროისათვის განთავსებული კაპიტალი შეადგენს 6,9 მლნ  ლარს.

„ჯორჯიან ბევერიჯის ჰოლდინგის“სამეთვალყურეო საბჭოშია  ავთანდილ ნამიჩეიშვილი, ეკატერინა შავგულიძე, გიორგი ალფაიძე და შოთა ხობელია.

ამასთან, „თელიანი ველის“ კაპიტალი დარჩება უცვლელი და განისაზღვრება 12 მლნ-ით  დაყოფილია 1,2 მლრდ  ცალ ჩვეულებრივ აქციად.

„თელიანი ველის“ განთავსებული აქციების რაოდენობა რეორგანიზაციისას შემცირდება 686,052,327-ით, განთავსებული კაპიტალი შემცირდება  6,860,523 ლარით.

რეორგანიზაციის დასრულების რეგისტრაციის მომენტისთვის სს „თელიანი ველის“ განთავსებული კაპიტალი განისაზღვრება 4,510,344.18  ლარის ოდენობით.