თბილისი (GBC) - ISET 2020 წლის პირველ კვარტალში 4.2%-იან ეკონომიკურ ზრდას ელოდება. როგორც კვლევითი ინსტიტუტის მიმოხილვაშია აღნიშნული 2019 წლის ბოლოს ქვეყანაში მშპ-ს ზრდის ტემპი 4.9% იქნება.

ზრდის ერთ-ერთ მიზეზად საქართველოს მეზობელი ქვეყნების გაუმჯობესებული ეკონომიკური ზრდა სახელდება. კერძოდ, 2019 წლის ზაფხულში სომხეთის ეკონომიკა წლიურად 6.4%-ით გაიზარდა, რუსეთის კი 2.2%-ით.  წლის პირველ 8 თვეში აზერბაიჯანის ეკონომიკა 2.4%-ით გაიზარდა, ბელარუსის კი 1.1%-ით.

ზრდის შემაფერხებელ ფაქტორად სებ-ის მიერ გამკაცრებული მონეტარული პოლიტიკა სახელდება, რისი მიზეზიც საპროგნოზო მაჩვენებელზე მაღალი ინფლაცია გახდა.