თბილისი (GBC)-საქართველოს ბიზნეს ასოციაცია ე.წ. გასახურებელ თამბაქოზე გამონაკლისს ითხოვს.  შესაბამისი წინადადებით პარლამენტს მიმართა.

ასოციაცია მიანიშნებს, რომ ის არ უნდა რეგულირდებოდეს,  ტრადიციული თამბაქოს ნაწარმის ანალოგიურად. ბიზნესს შესაძლებლობა მაღაზიების დახლეზე პროდუქციის  ხილულად გამოჩენის შესაძლებლობა უნდა მიეცეს. ნდეს.

“ მსოფლიოს მასშტაბით ხუთ ათეულამდე ქვეყანაში თამბაქოს ახალი ნაწარმისთვის და გასახურებელი თამბაქოსთვის გათვალისწინებულია გამონაკლისები. ასე მაგალითად შვეიცარიაში, გერმანიასა და დიდ ბრიტანეთში დაშვებულია შესაბამისი პროდუქტის მომხმარებელთან უშუალო კომუნიკაცია. ზოგიერთ ქვეყანაში კი დაშვებულია გარე რეკლამაც კი. მოგმართავთ თხოვნით განიხილოთ ჩვენ მიერ შემოთავაზებული ცვლილებები, ასევე მზად ვართ დაინტერესებულ მხარეებთან ერთად განვიხილოთ აღნიშნული საკითხი“, - ნათქვამია ასოციაციის წერილში.

ბიზნესი ითხოვს, რომ მაღაზიის ვიტრინაზე, დახლზე და თაროზე შესაბამისი ობიექტი ისე განთავსდეს, რომ ის ხილული იყოს. მსგავსი გამონაკლისის დაშვებას ითხოვს ბიზნესი ე.წ. გასახურებელი თამბაქოს აქსესუარებზეც.