თბილისი (GBC) – ბიზნეს პროცესების აუთსორსინგის კომპანია Majorel-ი საქართველოში გაფართოებას გეგმავს.

კომპანიის აღმოსავლეთ ევროპის დირექტორმა მატიას მიულერმა და ადგილობრივი წარმომადგენლობის დირექტორმა ალექსანდრე მირონენკომ, სააგენტოს „აწარმოე საქართველოში“ წარმომადგენლებს უმასპინძლა.

Majorel ქართულ ბაზარზე, 2016 წელს Arvato Bertelsman-ის სახელით შემოვიდა, 2019 წელს Bertelsmann- ისა და Saham- ის გაერთიანებით წარმოიქმნა  ახალი ბრენდი Majorel-ი, რომელიც 29 ქვეყანაში ოპერირებს, თანამშრომელთა რაოდენობა კი 50,000-ს აღემატება.

საქართველოში 1 100 ადამიანია დასაქმებული. 

დამკვეთების ჩამონათვალი მრავალფეროვანია (მოგზაურობა, ინფორმაციული ტექნოლოგიები, ონლაინ გაყიდვები).

ამ ეტაპზე კომპანიას აქვს როგორც გერმანული, გერმანულ-ინგლისური, ასევე თურქულ-ინგლისური და რუსულ-ინგლისურენოვანი პროექტები.