თბილისი (GBC) - ელექტროენერგიის სავაჭრო დეფიციტმა 2019 წელს 70.5 მლნ აშშ დოლარი შეადგინა. G&T-ს ინფორმაციით, გასულ წელს ელექტროენერგიის მოხმარება 1.4%-ით გაიზარდა. ამასთან,არასახარბიელო ჰიდროლოგიური პირობებიდან გამომდინარე, 10.1%-ით შემცირდა ჰიდრო გენერაცია.

ამ პირობებში ელექტროენერგიის მოხმარება დაკმაყოფილდა გაზრდილი იმპორტით (+7.8% წ/წ) და თბოგენერაციით (+34.3% წ/წ), ასევე შემცირდა ექსპორტიც (-58.8% წ/წ)

საბოლოოდ, 2019 წელს იმპორტში გადახდილია $ 78.3 მლნ (+3.4% წ/წ), ხოლო ექსპორტიდან მიღებულოა $7.8 მლნ -ის შემოსავალი. 

ელექტროენერგიის სავაჭრო დეფიციტი წლიურად 24.2%-ით გაიზარდა და ისტორიულ მაქსიმუმს, 70.5 მლნ აშშ დოლარს მიაღწია.