თბილისი (GBC) - 2019 წელს, საქართველოში საბალანსო ელექტროენერგიის ფასი შემცირდა. „გალტ ენდ თაგარტის“ მონაცემებით, ფასი  საშუალოდ, 1 კვტ.სთ-ზე 4.8 აშშ ცენტს შეადგენდა, რაც წლიური 5.0%-იანი კლებაა.

 „კლება ესკოს მიერ ენგურის შედარებით იაფიანი ენერგიის შესყიდვით და შედეგად შემცირებული გასაყიდი ფასით აიხსნება. საბალანსო ელექტროენერგიის წილმა ჯამურ მიწოდებაში 21.4% შეადგინა, ხოლო დანარჩენი, ორმხრივი კონტრაქტებით გზით განხორციელდა“, - აღნიშნავს G&T.

თურქეთში ელექტროენერგიის საშუალო საბაზრო ფასი 2019 წელს საშუალოდ კვტ.სთ-ზე 4.7 აშშ ცენტს შეადგენდა (-1.3% წ/წ).

მათ შორის, საქართველოსთვის საექსპორტო თვეებში მაისსა და ივნისში თურქეთში ფასი კიდევ უფრო დაბალი იყო და კვტ.სთ-ზე შესაბამისად 3.4 აშშ ცენტს და 4.1 აშშ ცენტს შეადგენდა, რამაც გარკვეულწილად განაპირობა ექსპორტის შემცირებული მოცულობა თურქეთის მიმართულებით.