თბილისი (GBC) - ანაკლიის განვითარების კონსორციუმის გენერალური დირექტორი ამბობს, რომ კონსორციუმს მთავრობასთან დამატებითი მოლაპარაკების მცდელობა ექნება, 2 თვის შემდეგ კი მოუწევს საარბიტრაჟო სასამართლოში დავა.

კონსორციუმი რა თანხაზე იდავებს, ლევან ახვლედიანი ზუსტად ვერ ასახელებს. ამბობს, რომ იურიდიული ფირმა ზარალს ითვლის. კონსორციუმი ამავდროულად მოითხოვს მთავრობისგან აღადგინოს ხელშეკრულება.

ამავდროულად აღნიშნავს, რომ APM Terminals-ისთვის ფოთში ახალი პორტის მშენებლობაზე ნებართვის გაცემის შემთხვევაში ანაკლიის პროექტი საბოლოოდ დასამარდება.

"საქართველოს ორი ღრმაწყლოვანი პორტი არ სჭირდება. ანაკლია არის კონსტიტუციით გამყარებული პროექტი და ასეთი მასშტაბის შექმნა სხვაგან, მათ შორის ფოთშიც არ არის შესაძლებელი. თუ მთავრობა გასცემს ნებართვას „ეი პი ემ ტერმინალსზე“, ეს ნიშნავს რომ ანაკლიის პორტი საბოლოოდ დასამარდება", - განაცხადა ლევან ახვლედიანმა.