თბილისი (GBC) -TBC ჯგუფმა საქართველოს ეკონომიკაზე Covid19-ის გავლენის განახლებული პროგნოზი გამოაქვეყნა.

TBC-ის საბაზო პროგნოზით მიმდინარე წელს საქართველოს ეკონომიკა 4.5%-დან 5.5%-მდე ფარგლებში შემცირდება. ეკონომიკის სწრაფი აღდგენის შემთხვევაში ვარდნა 3% იქნება, ხოლო ეკონომიკის გვიანი აღდგენის შემთხვევაში კი 10.5%.  ეკონომიკის გვიანი აღდგენა იმ სცენარს ითვალისწინებს, რომლის მიხედვითაც, შემზღუდველი ღონისძიებები უფრო დიდხანს ნარჩუნდება. ამასთან ეს სცენარი ვირუსის გავრცელების მეორე ტალღასაც ითვალისწინებს.

საბაზო სცენარის მიხედვით 65%-ით შემცირდება ტურისტული შემოსავლები. გვიანი აღდგენის შემთხვევაში ვარდნა 80% იქნება.

TBC წელს, ვარაუდობს რომ შემოდინებების დანაკლისი 1.4 მილიარდი დოლარი იქნება. აქედან 500 მლნ FDI-ის შეფასებული დანაკლისია.