თბილისი (GBC) - COVID-ის ავიაინდუსტრიაზე გავლენა, საქართველოში საავიაციო ნავთის იმპორტზეც აისახა. ნავთობპროდუქტების იმპორტიორთა კავშირის მონაცემებით, 2020 წლის აპრილში მარტთან შედარებით ქვეყანაში პროდუქტის იმპორტი 83,3%-ით შემცირდა, 1000 ტონამდე. დანაკლისი 5000 ტონაა.

მაჩვენებელი თითქმის 89%-ით დაეცა წლიურ ჭრილში.

აპრილში საავიაციო ნავთის იმპორტის 100%  (1,0 ათასი ტონა) თურქმენეთზე მოდის.

სულ მიმდინარე წლის იანვარ-აპრილში საავიაციო ნავთის იმპორტმა შეადგინა 19,5 ათასი ტონა, 36,9%-ით ნაკლებია გასული წლის ანალოგიური პერიოდის მაჩვენებელთან (30,9 ათასი ტონა) შედარებით.

პირველ კვარტალში საავიაციო ნავთის იმპორტის 75,4%  (14,7 ათასი ტონა) განხორციელდა თურქმენეთიდან, 13,3% (2,6 ათასი ტონა) - თურქეთიდან, 11,3% (2,2 ათასი ტონა) - რუმინეთიდან, 0,1% (0,03 ათასი ტონა) - ეგვიპტიდან.