თბილისი (GBC)- “ანაკლიის განვითარების კონსორციუმი” საარბიტრაჟო დავაზე უარს არ ამბობს.

კომპანიაში ამბობენ, რომ საქმის საერთაშორისო არბიტრაჟში წაღება მხოლოდ გადაავადეს, კორონავირუსის პანდემიის გამო, მაგრამ როდის მიმართავენ საარბიტრაჟო ტრიბუნალს ჯერ უცნობია. არბიტრაჟში მოპასუხე მთავრობა იქნება, რომელიც ფიქრობს, რომ ანაკლიის პორტის ასაშენებლად ახალი ინვესტორის მოძიებას შეძლებს.

2019 – 2020 წლების სამთავრობო პროგრამის შესრულების მოხსენებაში ნათქვამია, რომ კონსორციუმთან ხელშეკრულება ჩაიშალა და „იგეგმება ინტერესეთა გამოხატვის გამოცხადება ახალი ინვესტორის მოსაძიებლად, ვინაიდან ანაკლიის ღრმაწლოვანი პორტის პროექტი წარმოადგენს ქვეყნისთვის სტრატეგიულად მნიშვნელოვან პროექტს, როგორც ეკონომიკურ, ისე უსაფრთხოების კონტექსტში“.