თბილისი (GBC) - საქართველოს მთავარი საექსპორტო პარტნიორი ჩინეთია, ინვარ-აგვისტოს $296 მლნ მაჩვენებლით. მე-2 ადგილზეა აზერბაიჯანი  -  $284,3 მლნ, მე-3- რუსეთი, რომელმაც  პირველობა 2020 წელს დათმო. განსხვავებულია განსხვავებულია ექსპორტის და რეექსპორის შეფარდება.

ზოგადად რეექსპორტი საქართველოდან მთლიანი ექსპორტის 49%-ს შეადგენს, თუმცა, ჩინეთთან ეს მაჩვენებელი გაცილებით უფრო მაღალია - მთლიან ექსპორტში ადგილობრივ ექსპორტზე მხოლოდ  $41 მლნ მოდის.

ჩინეთში ძირითადად სპილენძის კონცენტრატები და ღვინო გადის.

ასევე სიდიდით მე-2 საექსპორტო პარტნიორთან - აზერბაიჯანთან - მთლიანი ექსპორტიდან ($284,3 მლნ), ადგილობრივი ექსპორტი მხოლოდ $45,6 მლნ -ია და აზერბაიჯანი მე-7-ა.

ყველაზე ნაკლებია რეექსპორტის წილი რუსეთში, რომელიც მთლიანი ექსპორტის კუთხით მე-3 ადგილზეა, თუმცა ადგილობრივი ექსორტის   - პირველზე. რუსეთში ექსპორტის მთლიან მოცულობაში (266 მლნ. დოლარი), ადგილობრივ ექსპორტზე 240 მლნ, დოლარი მოდის.

ამ კატეგორიაში რუსეთი უპირობო ლიდერია - სხვაობა მას და მეორე ადგილზე მყოფ თურქეთს შორის ძალიან მნიშვნელოვანია  - თურქეთში ადგილობრივმა ექსპოტმა მხოლოდ 118 მლნ. დოლარი შეადგინა.