თბილისი (GBC) - პოლონეთის სახელმწიფო ანტიმონოპოლიურმა რეგულატორმა UOKiK რუსული სახელმწიფო გიგანტი „გაზპრომი“ $7,5 მლრდ–ით დააჯარიმა გაზსადენის „ჩრდილოეთის ნაკადი–2“ გამო. ამის შესახებ ინფორმაციას რუსული მედია ავრცელებს.

რეგულატორმა რუსული მონოპოლისტის პარტნიორებიც დააჯარიმა – $60 მლნ–ით, ობიექტის მშენებლობის გამო. მან ეს კომპანიები დაავალდებულა, გაწყვიტონ „ჩრდილოეთის ნაკადი–2“–ის მშენებლობის დაფინანსებაზე გაფორმებული შეთანხმებები.