თბილისი (GBC) - წლის მეორე კვარტალში სოფლის, სატყეო და თევზის მეურნეობის დარგი წინა წლის ანალოგიურ პერიოდთან შედარებით, 4.7%-ით გაიზარდა. ამავე პერიოდში დარგის წილი ქვეყნის მთლიან შიდა პროდუქტში 10.2%-მდე გაიზარდა. წლის მეორე კვარტალშივე სოფლის მეორნეობის სექტორში პირდაპირი უცხოური ინვესტიციების წილი წინა წელთან შედარებით ექვსჯერ გაიზარდა, თუმცა ის კვლავ საკმაოდ დაბალ ნიშნულზე ნარჩუნდება და მთლიანი FDI-ის მხოლოდ 3%-ს შეადგენს.