თბილისი (GBC) - ამერიკულმა საფონდო ინდექსებმა ორშაბათის ვაჭრობა ზრდით დახურეს, წამყვანი ტექნოლოგიური კომპანიების აქციების კოტირებების კვალდაკვალ, რომლებმაც ზედიზედ მეოთხე სესია დახურეს პლუსში.

Dow Jones Industrial Average–ს ინდექსი 250,62 პუნქტით გაიზარდა (+0,88%) და 28837,52 შეადგინა. Standard & Poor's 500  ასევე გაიზარდა 57,09 პუნქტით (+1,64%) - 3534,22–მდე. Nasdaq Composite 296,32–ით (+2,56%) 11876,26 პუნქტამდე გაიზარდა.

ორშაბათის ვაჭრობაზე ლიდერობდნენ Apple Inc.–ის აქციები (+6,4%) და Amazon.com Inc (+4,8%). Apple დღეს მნივშნელოვან ღონისძიებას გეგმავს, რომელზეც 5G ტექნოლოგიით აღჭურვილ ვირველ iPhone–ებს წარმოადგენს. Amazon.com საკუთარი ღონისძიებისთვის ემზადება, რაც ყოველწლიურ ფასდაკლებას Prime Day გულისხმობს და 13-14 ოქტომბერს გაიმართება.

Alphabet–ის ინდექსები 3,6%–ით გაიზარდა, Microsoft Corp – +2,6%, Twitter Inc. +5,1%, ხოლო Facebook Inc +4,3%.