თბილისი (GBC) - კორონავირუსით დაავადებულთა მკვეთრი ზრდის გამო აზერბაიჯანის მთავრობასთან არსებული ოპერატიული შტაბის გადაწყვეტილებით, ქვეყანაში ახალი შეზღუდვები წესდება.

კერძოდ, 19 ოქტობრიდან 2 ნოემბრამდე მუშაობას წყვეტს ბაქოს მეტროპოლიტენი. ამავე პერიოდოთ წყდება სასწავლო პროცესი ყველა საგანმანათლებლო დაწესებულებაში.

გარდა ამისა, სახელმწიფო  სტრუქტურებში სამუშაო ადგილებზე თანამშრომელთა მხოლოდ 30% დარჩება, ხოლო 70% - დისტანციურ რეჟიმზე გადადოს.

იგივე წესის დაცვა კერძო სექტორისთვისაც რეკომენდირებულია, თუმცა, არა სავალდებულო.

15 ოქტომბერს აზერბაიჯანში კორონავირუსით დაინფიცირების 530 ახალი შემთხვევა დაფიქსირდა. ქვეყანაში თებერვლის ბოლოდან ვირუსით 43 280 ადამიანი დაინფიცირდა, 619 პაციენტი გარდაიცვალა.