თბილისი (GBC) - ჩინეთზე მოდის მთლიანი ექსპორტის 14,8%, ადგილობრივი ექსპორტის 20%.რუსეთის წილი მთლიან ექსპორტში 12,8%-ა ადგილობრივში - 16,3%, - 9m/2020 -ის სტატისტიკით, საქართველოს მთავარი საექსპორტი ბაზარი რუსეთი აღარ არის, უკვე ჩინეთია..

უმსხვილესი საექსპორტო სამეული ასე ჩამოყალიბდა: ჩინეთი - $355.3 მლნ, აზერბაიჯანი - $328 მლნ (რეექსპორტის ხარჯზე), რუსეთი - -$308.6 მლნ).

განსხვავებაა ადგილობრივ ექსპორტთან მიმართებაში, რადგან აზერბაიჯანში ავტომობილების რეექსპორტზე ამ ქვეყანაში საქართველოდან საექსპორტო ნაკადების დიდი ნაწილი მოდის. აზერბაიჯანში ადგილობრივი ექსპორტი, სულ, $40 მლნ-ია (აზერბაიჯანის პოზიცია მე-9).

ადგილობრივი ექსპორტით, რუსეთმა ($280 მლნ) აზერბაიჯანს გაუსწრო, ჩინეთს ($343 მლნ.  ვერ დაეწია.

ადგილობრივი ექსპორტის TOP-10 -ში I- სპილენძის მადნები და კონცენტრატებია ($541.7 მლნ, წილი 31,5%), ფეროშენადნობები ($179,8 მლნ,7.5% ) და ყურძნის წვენი - $142,7 მლნ (8,3%).