თბილისი (GBC) - საქართველოს ბიზნეს ასოციაციამ კვლევა ჩაატარა, რომელიც კომპანიების მიერ თანამშრომელთა შემცირების, გაზრდის, ან უცვლელად შენარჩუნების დინამიკას ეხებოდა.

კვლევამ ეკონომიკის 4 სექტორი მოიცვა.

კერძოდ, 2020 წლის პირველ კვარტალში ვაჭრობაში მომუშავე კომპანიების 21% განაცხადა, რომ თანამშრომლების რაოდენობა შეამცირა, 26%-მა გაზარდა, ხოლო 53%-მა უცვლელი დატოვა. მე-2 კვარტალში ეს მონაცემები შეადგენდა 17%-ს, 13%-ს, და 70%-ს, მე-3 კვარტალში - 11%, 17%, და 72%.

2020 წლის მე-4 კვარტალში სამუშაო ადგილების შემცირებას კომპანიათა მხოლოდ 4% გეგმავს, 17% ზრდას აპირებს, 79%  - არაფერს არ ცვლის.

მრეწველობაში 2020 წლის პირველ კვარტალში თანამშრომლები შეამცირა კომპანიათა 17%-მა, გაზარდა ასევე 17%-მა, უცვლელი კი - 67%-მა დატოვა. მე-2 კვარტალში ეს მონაცემები შეადგენდა 17% და 83% -ს. ამ პერიოდში მრეწველობაში დაკავებულმა არც ერთმა კომპანიამ თანამშრომელთა რაოდენობა არ გაზარდა.

მე-3 კვარტლის მონაცემენი მ-2-ს ანალოგიური იყო - 17-17-67%. მე-4 კვარტალში მრეწველობაში სამუშაო ადგილები არ შემცირებულა, 17%-მა თანამშრომელთა მატების შესახებ განაცხადა, ხოლო 83%-მა არაფერი შეცვალა.

მშენებლობაში ციფრები შემდეგნაირად განაწილდა - 1 კვარტალში - 17%, 4%, 79%,  მე-2-ში - 29%,14%,57%, მე-3-ში - 43%,14%,43%, მე-4-ში - შემცირება შეწყდა, დასაქმებულთა რაოდენობა გაზარდა კომპანიათა 14%-მა,  86%-მა არაფერი არ შეცვალა.

მომსახურეობის სფეროში მონაცემები ასეთია - 1კვარტალი - 5%,14%, 82%, მე-2-ე კვარტალი - 35%,0%, 65%, მე-3-ში - 14%,14%, 73%, მე-4 კვარტალში კი  - 10%,5%, 85%.

შესაბამისად, ბიზნეს-ასოციაციის მონაცემებით, 2020 წლის მიმდინარე კვარტალში ყველაზე მეტად მომსახურეობის სექტორის კომპანიები დაზარალდნენ, რომელთა 10%-მა თანამშრომელთა რაოდენობა შეამცირა.

ყველა ნაკლებად მ-4 კვარტლის ეკონომიკური პრობლემები მრეწველობას შეეხო, სადა სამუშაო ადგილების შემცირება შეწყდა, ხოლო ზრდის შესახებ დამსაქმებელთა 17%-მა განაცხადა.