თბილისი (GBC) - 22:00 საათის შემდეგ მუშაობის შეზღუდვის დარღვევის გამო 12 რესტორანი დაჯარიმდა - განაცხადა შრომის პირობების ინსპექტირების დეპარტამენტის უფროსმა  ბექა ფერაძემ.

„შრომის ინსპექციამ მონიტორინგი განახორციელა და სამართალდარღვევის გამო 12 ობიექტები 10 ათასი ლარით დააჯარიმა.  3 ობიექტი,  დაჯარიმების მიუხედავად, აგრძელებდა კანონის დარღვევას, და მათ მიმართ შსს-სთან ერთად სისხლის სამართლებრივი გამოძიება დაიწყო“,-აღნიშნა ფერაძემ.

მისივე ინფორმაციით, აქტიურად მოწმდება წესების დაცვა ბაზრებსა და ბაზრობებზე. კერძოდ,  შემოწმდა თბილისში არსებული 10 ბაზარი და 185 საბითუმო და საცალო ვაჭრობის ობიექტი და მათ მიმართ გაიცა გაფრთხილება.