თბილისი (GBC) - ბიტეოინის კურსი სამშაბათის ვაჭრობებზე მინუსშია. დილის სესიაზე მან 0,51% დაკარგა და #13 082,77 ნიშნულზე ივაჭრებოდა. CoinMarketCap-ის ცნობით, გუშინდელი სესიების დახურვისას მისი კურსი $12 800–მდე დავარდა.

დღევანდელ ვაჭრობებზე ეთერიუმი $393,08–მდე გაიაფდა (–3,87%), XRP-მ 2,94% დაკარგა $0,249–მდე.

ორშაბათს უცნობმა „ვეშაპმა“, დოლარში დაანგარიშებით, ძირითადი კრიპტოვალუტის არსებობის ისტორიაში უმსხვილესი ბიტკოინ–ტრანზაქცია განახორციელა – მან 88 857 ბიტკოინი შეიძინა $1,15 მილიარდად. საკომისიომ 0,00027847 ბიტკოინი ($3,5) შეადგინა.

აღნიშნულმა პიროვნებამ საფულა 6 აგვისტოს შექმნა და სულ მალე დაიწყო გზავნილების მიღება, რის შედეგადაც ძალიან სწრაფად შევიდა ბიტკოინების უმსხვილესი პაკეტების მფლობელთა სიაში. მის მიერ შეძენილი მონეტები არ გადარიცხულა რომელიმე ცნობილი სერვისის ანგარიშზე, სადაც მისი გაყიდვა მოხდებოდა.