თბილისი (GBC) - ყველაზე პოპულარული კრიპტოვალუტის, ბიტკოინის ფასი ორშაბათის დილის ვაჭრობებზე მცირედით იზრდება.

CoinMarketCap-ის მონაცემებით, რომელიც ბიტკოინის საშუალო კურსს 20–ზე მეტ ბირჟაზე დაკვირვებით ადგენს, თბილისის დროით 11:27 საათისთვის კრიპტოვალუტა 0,36%–ით იყო გაძვირებული, $13 737–მდე.

დღეის მდგომარეობით, კრიპტოვალუტების გლობალურ ბაზარზე ბიტკოინის წილი 63,1%–ს შეადგენს.

გასული თვის ბოლო დღეს, 31 ოქტომბერს ბიტკოინმა, პირველად 2018 წლის იანვრის შემდეგ, პირველად გადალახა $14 000–იანი ნიშნული.

კრიპტობაზრის ანალიტიკოსები აშშ–ის საპრეზიდენტო არჩევნებამდე (3 ნოემბერი) ბიტკოინს სტაბილურობას უწინასწარმეტყველებენ და არ ელოდებიან არც მის მკვეთრ ზრდას და არც ვარდნას.