თბილისი (GBC) - აშშ პრეზიდენტს ირჩევს. ძირითადი კანდიდატები არიან მოქმედი პრეზიდენტი, რესპუბლიკელი დონალდ ტრამპი და დემოკრატი ჯოზეფ ბაიდენი. გამოკითხვების შედეგების თანახმად, ბაიდენი ლიდერობს, მაგრამ ძალიან რთულია კენჭისყრის შედეგების პროგნოზირება – წელს ამერიკელი ამომრჩევლის რეკორდულმა რაოდენობამ დააფიქსირა თავისი არჩევანი ფოსტის მეშვეობით.

ძირითადი კანდიდატების გარდა, არჩევნებში „მესამე ძალების“ წარმომადგენლებიც მონაწილეობენ. ესენი არიან ჯო ჯორჰენსენი (ლიბერტარიანული პარტია), ჰაუი ჰოკინსი (მწვანეთა პარტია). მათი გამარჯვების შანსები მინიმალურია. კიდევ ერთი კანდიდატია რეპერი კანიე უესტი.

თბილისის დროით 9:36 საათისთვის, ამომრჩეველთა ხმები შემდეგნაირადაა გადანაწილებული: ჯო ბაიდენს – 223 და დონალდ ტრამპს – 174.

დათვლილი ხმებიდან 61 356 708 ადამიანმა ბაიდენს დაუჭირა მხარი, ხოლო 59 940 860–მა ამომრჩეველმა დონალდ ტრამპს.

ამ დროისთვის ბაიდენი 49,78%–ს აგროვებს, ტრამპის 48,62%–ის წინააღმდეგ. მოქმედი პრეზიდენტი ყოფილ ვიცე–პრეზიდენტს 1,16%–ით უგებს.