თბილისი (GBC) - დასავლეთ ევროპის ქვეყნების ინდექსებმა ხუთშაბათის ვაჭრობაზე ორკვირიანი მაქსიმუმი დააფიქსირეს, მიუხედავად იმისა, რომ აშშ–ში 3 ნოემბერს ჩატარებული საპრეზიდენტო არჩევნების საბოლოო შედეგები ჯერ კიდევ უცნობია.

რეგიონის უმსხვილესი მწარმოებლების ჯამური ინდექსი  Stoxx Europe 600 1,05%–ით გაიზარდა და 367,12 პუნქტი შეადგინა.

ბრიტანული ინდიკატორი FTSE 100 0,39%–ით გაიზარდა, გერმანული DAX - 1,98%–ით, ფრანგული CAC 40 - 1,24%–ით. იტალიური FTSE MIB და ესპანური IBEX 35, შესაბამისად, 1,93%–ით და 2,1%–ით.

მკვეთრი ზრდა დაფიქსირდა ამერიკის ბირჟებზეც, სადაც ზედიზედ მეოთხე სესია დაიხურა პლუსში და შესაძლოა აპრილის შემდეგ მაქსიმალურ მაჩვენებლებზეც გავიდეს.

Dow Jones Industrial Average–ს ინდექსი სესიის დახურვისას 542,52 პუნქტით გაიზარდა (+1,95%) და 28390,18 პუნქტი შეადგინა. Standard & Poor's 500 67,01 პუნქტით (+1,95%) - 3510,45 პუნქტამდე გაიზარდა. Nasdaq Composite–მ 300,15 პუნქტი (+2,59%) დაიმატა და 11890,93 პუნქტი შეადგინა.

მიმდინარე კვირის დასაწყისიდან Dow Jones 7,1%–ით გაიზარდა, ხოლო S&P 500–მა და Nasdaq–მა ამავე პერიოდში, შესაბამისად, 7,4%–ით და 9%–ით მოიმატეს.

ხუთშაბათის ვაჭრობებზე ტექნოლოგიური სექტორის კომპანიები ლიდერობდნენ. Facebook Inc.–ისა და Amazon.com Inc.–ის აქციების ფასი 2,5%–ით გაიზარდა. Netflix Inc.–ის – 3,4%–ით, Apple Inc.–ის – 3,6%–ით, ხოლო Microsoft Corp.–ის – 3,2%–ით.