თბილისი (GBC) - ბიტკოინი ორშაბათის, 9 ნოემბრის ვაჭრობებზე ძვირდება და მისი საშუალო კურსი, CoinMarketCap-ის მონაცემებით, $15 416,52–ს (+2,67%) შეადგენს.

ბიტკოინმა ბოლო დღეებში 3%–ით მოიმატა. შაბათს პოპულარულმა კრიპტოვალუტამ ციტახნით „ჩაყვინთა“ #14 500–მდე, თუმცა მალევე, სამუშაო კვირის დილის სესიაზევე აინაზღაურა დანაკარგები.

კრიპტობაზარზე ბიტკოინის დომინირების ინდექსი 64%–ზეა გამაგრებული. ფასის დასტაბილურებასთან ერთად $35 მლრდ–მდე გაიზარდა ყველაზე პოპულარული კრიპტოვალუტით ვაჭრობის მოცულობაც. $16 000–იან ნიშნულთან მიახლოებისას ვაჭრობის მოცულობა $76 მლრდ–მდეც კი გაიზარდა, რაც ისტორიულ ჭრილში საკმაოდ მაღალი მაჩვენებელია.

აშშ–ის საპრეზიდენტო არჩევნების შედეგებმა და ტრამპის მკაცრმა განცხადებებმა ბაზრებზე შოკური ტალღა ვერ შექმნეს. საარჩევნო კვირის განმავლობაში S&P 500-ც და ბიტკოინიც იზრდებოდა.